Joe Wintie is oorspronklik van Botswana en is die middelkind van ‘n gesin met 11 kinders. In sy kleuterjare word hy en twee ouer sussies in Botswana agtergelaat wanneer sy gesin weer terugkeer na Suid-Afrika. Met skoolgereedheid word hy kom haal deur sy ouers en word hy in Port Elizabeth se Noordlike voorstede groot waar hy eers aan Helenvale, toe Fonteintjie, Republiek en De Heuwel laerskole bywoon.

Hy voltooi sy skoolloopbaan te Bethelsdorp Hoërskool, waarna hy dadelik in 1981 aan die destyds enigste ras-oop Universiteit, naamlik Wes-Kaapland gaan studeer het.