Is die kerk steeds ‘n tuiste vir almal? Hierdie is die ope vraag waarmee die skrywer deur die hoofstukke van hierdie boek worstel. Tog reken hy dat hierdie kwelvraag deur elke kerk self beantwoord te word, oor of die plaaslike kerk nog ‘n welkom tuiste bied vir almal.

Wel daar is ‘n snel groeiende aantal lede van die kerk wat toenemend anders voel. Die sulkes wie geen veilige vesting, tuiste of hawe meer vind binne die hedendaagse kerk nie. Hulle wie voel dat die moraliteit, spiritualiteit, integriteit en outoriteit van die kerk ook aan skerwe lê. Hulle wie reken dat die kerk begin weerspieël ‘n morele doelloosheid en ‘n geestelike leegheid. Mense verlaat die formele kerk. Die vraag is, waarom? Kom lees saam en hoop dat hierdie verhaal u sal help om die kerk ‘n tuiste te maak vir ander verlore siele.